शनिबार, जेष्ठ ७, २०७९ | Saturday 21st May 2022
जोडिनुहोस
Trending
  • गृहपृष्‍ठ
  • अटो
  • बागमती प्रदेशमा सार्वजनिक यातायातमा भाडा समायोजन गरिएको छ
अटो

बागमती प्रदेशमा सार्वजनिक यातायातमा भाडा समायोजन गरिएको छ

  • सिधा दृष्टी शुक्रबार, बैशाख २, २०७९ | April 15, 2022

काठमाडौं- बागमती प्रदेशमा सार्वजनिक यातायातमा भाडा समायोजन गरिएको छ। भाडा समायोजनले काठमाडौं उपत्यकासहित यस प्रदेशमा बिहीबारदेखि सार्वजनिक सवारीसाधनको भाडा बढाइएको छ। नयाँ भाडादरअनुसार काठमाडौं उपत्यकाभित्र सार्वजनिक गाडीमा पाँच किलोमिटरसम्म न्यूनतम २० पुगेको छ।

यसअघि न्यूनतम १८ थियो। न्यूनतम भाडा १८ भए पनि यात्रु २० तिर्न बाध्य भएको बताइएको छ। त्यस्तै १० किलोमिटरसम्म २५, १५ किलोमिटरसम्म ३०, २० किलोमिटरसम्म ३३ र २० किलोमिटरभन्दा माथि ३८ भाडा तिर्नुपर्नेछ।

यस्तै ट्याक्सीमा सुरुको न्यूनतम ५० र प्रति मिटरको भाडा १० कायम गरिएको छ। प्रतीक्षा

शुल्क प्रतिमिनेट एक रुपैयाँ २० पैसा तोकिएको छ। बढीमा ३० मिनेटसम्म प्रतीक्षा गर्न पाइनेछ। बेलुका ९ बजेदेखि बिहान ४ बजेसम्म चल्ने रात्रिकालीन ट्याक्सीमा प्रति मिटरको हकमा १३ कायम गरिएको छ।

पछिल्लोपटक भाडा समायोजन गर्दा आधार मानिएको मूल्यको तुलनामा पेट्रोलियम पदार्थको बजार मूल्य पाँच प्रतिशत वा त्योभन्दा धेरै वा कम भएका प्रदेशभित्र सञ्चालन हुने गाडीमा भाडा समायोजन गर्ने बताइएको छ।

बागमती प्रदेशको श्रम, रोजगार तथा यातायात व्यवस्था मन्त्रालयको निर्णयअनुसार भाडादर समायोजन गरिएको हो। भाडा समायोजनसँगै नयाँ आर्थिक वर्षमा सार्वजनिक यातायातमा नगदरहित गराउनका लागि कार्डको प्रयोग गरिने मन्त्रालयले जनाएको छ।

फेसबुक प्रतिक्रियाहरु

लोकप्रिय