आइतवार, अशोज ९, २०७९ | Sunday 25th September 2022
जोडिनुहोस
Trending
  • गृहपृष्‍ठ
  • गशिप
  • चलचित्र ‘ए मेरो हजुर–४ विवादमा परेको छ
गशिप

चलचित्र ‘ए मेरो हजुर–४ विवादमा परेको छ

  • सिधा दृष्टी मङ्लबार, चैत्र २९, २०७८ | April 12, 2022

काठमाडौं– यही वैशाख १ गते रिलिज हुन लागेको चलचित्र ‘ए मेरो हजुर–४’ मा र्‍यापर जीबबले गाएको गीत ‘भाग भाग न दे अब धेरै धाक’ को ट्विनिङ चोरिएको आरोप लागेको छ। शनिबार बूढासुब्बा डिजिटल युट्युब च्यानलबाट सार्वजनिक भएको यो गीत १ दिनमै १० लाखभन्दा बढीले हेरेका थिए।

जीबबले गाएको प्रमोसन र्‍यापको मेलोडी र म्युजिक बिट एट्लान्टिक रेकर्डले सन् २०१४ मा रिलिज गरेको ‘सेल सकको किल द नोइज’बाट चोरी गरेको पुष्टि भएको छ। यो अहिलेसम्म १७ करोडले सुनिसकेका छन्।

र्‍यापर जीबबको

शब्द तथा प्रस्तुति रहेको छ भने हुक लाइन लिरिक्स एएनटिएभका सुरेन्द्र गुरुङले लेखेका हुन्। गीत मिक्सिङ बाबु प्रधानले गरेका हुन् भने म्युजिक प्रोड्युसर सन्देश ढकाल डिडट र एनटिएफले गरेका हुन्। कोरियोग्राफर भने रामजी लामिछानेले गरेका छन्। यसैगरी गीतको सम्पादन साहिल खान डिओपी सञ्जय लामाको रहेको छ।

एनटिएफको आयोजनामा र्‍याप ब्याटलबाट चर्चामा आएका हुन् जिबब। उनको चर्चाका कारण पनि फिल्म ए मेरो हजुर ४ को टिमले उनलाई गीत गाउन लगाएको हुनुपर्छ। यसअघि ए मेरो हजुर ४ का दुई सिन हिन्दी र दक्षिण भारतीय फिल्मको ‘कपी’ गरेको भन्ने आरोप पनि खेप्नु परेको थियो।

यसैगरी ए मेरो हजुर ४ बाट दुर्गेश थापाको गीत हटाइएको हल्ला पनि बजारमा चलेको थियो। कारण– थापा पल शाह प्रकरणमा मुछिएकाले शाहका फ्यानहरुबाट हुन सक्ने विरोधको जोखिम हेरेर दुर्गेशको साटो जीबबलाई गीत गाउन लगाइएको थियो।

फेसबुक प्रतिक्रियाहरु

लोकप्रिय