काठमाडौँ — अमेरिकाको न्युयोर्कमा गोली चल्दा एक युवतीको मृत्यु भएको छ । घटनामा अन्य २ जना घाइते भएका छन् ।
न्युयोर्कमा रहेको साउथ ब्रोन्क्स विद्यालय बाहिर शुक्रबार राति गोली चलेको हो । घटनामा परी १६ वर्षीया युवतीको मृत्यु भएको प्रहरीले जनाएको छ। उनको नाम भने प्रहरीले सार्वजनिक गरेको छैन ।
उनलाई छातीमा गोली लागेको अधिकारीहरुले जनाएका छन् । गोली लागेर अन्य दुई जना घाइते भएका छन् । गोली प्रहार गर्नेको खोजी भइरहेको न्युयोर्क प्रहरीले जनाएको छ ।