- चट्याङ लागेर महिलाको मृत्यु
- संसार छाड्ने म्यासेज लेखेर हराएका युवक फेला
- माधवकुमार नेपालसहित १४ सांसदविरुद्ध दायर गरेको रिटमाथि चैत २७ गते सुनुवाइ हुने
- केपी ओलीकै कारण आफू पार्टी प्रवेश गरेको : अभिनेत्री करिश्मा मानन्धर
- मुलुकमा संकट पर्रदा कांग्रेस काे काधमा जिम्मेवारी आउने गरेकाे र संकट बाट मुलुकलाई निकास दिन कांग्रेस मात्र रहेको दाबी गरे नेता सिंह
- मध्य भोटेकोशीको खुल्यो आईपीओ, कहिले सम्म पाइन्छ आवेदन दिन ?
- नागा र सामन्थाबीच सम्बन्धविच्छेद, यस्तो रहेछ कारण
- मन्त्रीको नाम टुंगाउन माओवादी केन्द्रको स्थायी कमिटी बैठक
- काँग्रेस पूर्वमहामन्त्री सिंह र नेकपा माओवादीका महासचिव चन्द बीच भेटवार्ता
- प्रहरी निरिक्षक पाण्डेयको ‘आँधीहुरी नेपाल प्रहरी’ सार्वजनिक(भिडियो) सहित
नेपाली कांग्रेसकी नेतृ डाक्टर आरजु राणा देउवाले प्रतिनिधि सभाको निर्वाचनमा कैलाली बाट उम्मेदवारी दिने
धनगढी- नेपाली कांग्रेसकी नेतृ डाक्टर आरजु राणा देउवाले प्रतिनिधि सभाको निर्वाचनमा आफूले फेरि पनि कैलाली क्षेत्र नम्बर ५ बाट उम्मेदवारी दिने बताएकी छन्।
नेपाल प्रेस युनियन कैलालीले धनगढीमा गरेको पत्रकार सम्मेलनमा बोल्दै कांग्रेस केन्द्रीय सदस्य राणाले आफूलाई कैलाली क्षेत्र नम्बर ५ का जनताले माया गरेरै २२ हजार बढी मत दिएको बताउँदै पार्टीले टिकट दिए फेरि पनि यहीबाट चुनाव लड्ने बताएकी हुन्।
‘म यहाँका जनतासँग भिजिसकेको छु। त्यसैले यही चुनाव लड्छु,’ राणाले भनिन्, ‘मलाई यही ठाउँ मनपर्छ। २०७४ को चुनावमा
तीन/चार दल मिलेर मलाई हराएका हुन। म हारेकी होइन।’
पहिले पनि वर्दियालगायत ठाउँमा लड्ने प्रचार गरिए पनि आफूले धनगढी नै रोजेको उनले बताइन्। ‘मलाई सर्लाहीमा पनि लड्न भनिएको छ। तर, पार्टीले टिकट दिए धनगढीबाटै लड्छु,’ उनले भनिन्।
राणाले स्थानीय चुनाव हुनेमा पनि ढुक्क रहन आग्रह गरेकी छन्। ‘संविधान अनुसार तोकिएकै समयमा चुनाव हुन्छ र हुनुपर्छ,’ राणाले भनिन्, ‘चुनाव हुन्न भन्ने हल्लाका पछाडि नलाग्न अनुरोध गर्छु।’
उनले अहिलेका सत्ता गठवन्धनका दल मिलेरै चुनावमा जाने बताइन्। एमाले विभाजित भएको बेला कांग्रेस एक्लै लड्न किन डराएको भन्ने प्रश्नमा राणाले भनिन्, ‘एमाले मात्र छैन अरु पार्टी पनि छन्। २०७४ को चुनावले सिकाएको अनुभवले गठवन्धनमा जानैपर्छ। कांग्रेस लोकतान्त्रिक पार्टी हो गठवन्धन गर्ने नगर्ने बारे बहस भएका छन्। हामी निर्णय गरेरै गठवन्धन बनाएर चुनावमा जान्छौं।’
महामन्त्री गगन थापालगायका नेताले सार्वजनिक रुपमा गठबन्धन नहुने बताइरहेको सन्दर्भमा कांग्रेस नेतृ राणाले नेपाली कांग्रेस लोकतान्त्रीक पार्टी भएकाले असहमति राख्न पाइने धारणा व्यक्त गरेकी छन्। तर, गठबन्धन कायम राख्ने कुरामा सबै एक मत भएको बताइन्।
राणाले भनिन्, 'सानातिना मनमुटाव एउटा घर, परिवारबीच हुन्छन्। त्यस्तो हुनु सामान्य पनि हो। त्यसैले कांग्रेसको आन्तरिक चुनावका मनमुटाव जनताका बीचको चुनावमा प्रकट हुने छैनन्।'
उनले ३६४ दिन कांग्रेस हुनेहरूले भोट हाल्ने दिन ३६५औं दिनमा पनि कांग्रेसलाई भोट हाल्न आग्रह गरिन्। कांग्रेसकै नेतृत्वमा ठूलाठूला परिवर्तन भएको दाबी गर्दे उनले सामाजिक, आर्थिक र सूचना प्रविधिको परिवर्तन पनि कांग्रेसकै पालामा भएकोले जनताले कांग्रेसलाई नै भोट दिनुपर्ने मा जोड दिइन्।
फेसबुक प्रतिक्रियाहरु
लोकप्रिय
काठमाडौँ महानगरपालिकाका मेयर बालेन्द्र (बालेन) साह र उपमेयर सुनिता डंगोल नुवाकोटको सिसडोल पुगेका छन्
त्रिभुवन विश्वविद्यालयको क्रिकेट मैदानमा जारी नेपाल- जिम्बावे ‘ए’ टी-२० सिरिजमा आज अन्तिम खेल हुँदैछ
अमेरिकी राष्ट्रपति जो बाइडेनले अमेरिका र नेपालबीचको सम्बन्धन आफूले अझ प्रगाढ बनाउन चाहेको बताएका छन्
नेपालमा समेत मुल्यवृद्धि भएको अबस्थामा भारतमा पनि ६ दिनमा पाँचौँ पटक पेट्रोल तथा डिजेलको मूल्य बढेको
