शुक्रबार, असार १७, २०७९ | Friday 1st July 2022
जोडिनुहोस
Trending
  • गृहपृष्‍ठ
  • समाचार
  • १४ औं महाधिवेशनमा पार्टीलाई तल्लो तहदेखि नै मजबुत बनाउनु पर्ने – प्रकाशमान सिंह
समाचार

१४ औं महाधिवेशनमा पार्टीलाई तल्लो तहदेखि नै मजबुत बनाउनु पर्ने – प्रकाशमान सिंह

  • सिधा दृष्टी मङ्लबार, कार्तिक ३०, २०७८ | November 16, 2021

नेपाली काँग्रेसका प्रभावशाली नेता प्रकाशमान सिंह १४ औं महाधिवेशनमा पार्टीलाई तल्लो तहदेखि नै मजबुत बनाउनु पर्ने बताउनु भएको छ । मंगलबार पोखरामा नेपाली कांग्रेस वडा समितिले आयोजना गरेकाे कार्यक्रमलाई सम्बोधन गर्दै नेता सिंहले पार्टीलाई १४ औं महाधिवेशन पछि पार्टी तल्लो तहदेखि नेतृत्व तहसम्म मजबुत बनाउनु पर्ने बताउनु भएको हो । मौका पाउँदा पनि गर्ने नसक्नेलाई पदमा राखिराख्न नहुने उहाँको भनाई थियो ।
साथै नेता सिंहले जिल्ला सभापति हुँदा काठमाडौंलाई देशभरको उत्कृष्ट जिल्ला बनाएको दाबी गर्नु भयो । मौका

पाउँदा काम गर्नु पर्दछ भन्ने मान्यता आफुमा रहेको उहाँको भनाइ छ ।

‘पदमा बस्ने काम नगर्ने अनि मलाई पद चाहियो भनेर हुन्छ । पार्टी चलाउँन क्षमाता चाहिन्छ ।’ उहाँ भन्नु भयो ‘साधारण पार्टी कार्यकर्ताबाट अहिले को अवस्था सम्म आएको हुँ, पार्टी चलाउन प्रशस्त अनुभव छ ।’
यस्तै नेतृत्वको कारण गर्दा कम्युनिष्टहरुले जारी गर्न नसकेको संविधान जारी गर्दा पनि काँग्रेसले जनमत पाउन नसकेको उहाँले बताउनु भयो । निर्वाचन पछि काँग्रेस कमजोर हुँदा कम्युनिष्टहरुले मौका पाए र संविधान माथि प्रहार गरेको भन्दै उहाँले प्राप्त उपलब्धी संस्थागत गर्नको लागि काँग्रेस मजबुत हुनुपर्ने बताउनु भयो । काँग्रेस मजबुत हुनको लागि नेतृत्व परिवर्त आवश्यक रहेको उहाँको भनाई छ । उहाँले जनताको माग नेतृत्व परिवर्तन भएको र नेतृत्व परिवर्तनले मात्र पार्टी मजबुत हुने बताउनु भयो । मौका पाउँदा पनि काम गर्ने नसक्नेलाई अब नेतृत्व सुम्पीन नहुने उहाँको धारणा थियो ।
‘शेरबहादुर देउवासँग व्यक्तिगत रुपमा कुनै गुनासो छैन । तर जनताको माग नेतृत्व परिवर्तन हो। नेतृत्व परिवर्तनले मात्र पार्टी मजबुत हुन्छ । उहाँले थप्नु भयो ‘ मौका पाउँदा पनि काम गर्ने नसक्नेलाई अब नेतृत्व सुम्पीन हुँदैन ।’
साथै उहाँले लोकतान्त्रिक पार्टी भित्र पनि कार्यकर्ताले अन्याया भएको गुनासो गरेको बताउँदै पार्टी भित्र सबैको सम्मान हुनुपर्ने बताउनुभयो ।
उहाँले पार्टीलाई विधि संम्बत नियम संम्बत तरिकाले अगाडी बढाउनु पर्ने भन्दै विधि र प्रक्रियाको लागि आफुले सधै पार्टी भित्र आबाज उठाउँदै आएको बताउनु भयो ।
जनताका मुद्धाहरु तत्काल समाधान गरि लोकतन्त्र जोगाउनको लागी प्रभावकारी पार्टीको रुपमा काँग्रेस स्थापना गर्न आफुले सभापतिमा उम्मेद्वारी दिने उहाँको भनाई छ । पार्टीलाई संस्थागत गरि विधि सम्वत तरिकाले चलाउनु पर्ने उहाँले बताउनु भयो ।
आउँदो दिनहरुमा आम नेपाली जनताको जिवीको पार्जन सहज गराउने आफ्नो एक मात्र उदेश्य रहेको उहाँको भनाई छ । ‘हामी भन्दा २० गुणा बढी जनसंख्या भएको मुलुकले विकास गरि रहँदा हामीले किन नगर्ने ? राजनीति सेवाको क्षेत्र होइन । लोभ छोड्नु पर्यो ।समाज र देशका फाईदाका लागि लड्नु पर्दछ । पार्टीलाई सहि ढ्ंगले चलाए नहुने भन्ने कुरा केही छैन ।’ नेता सिंहको भनाई थियो ।
उहाँले देश विकासको योजना सहित जनतामा जानु पर्ने बताउनु भयो । कृषि प्रधान देशमा सबै कुरा आयत गर्नु पर्ने अबस्था जानु दुखत कुरा भएको धारणा राख्नु भयो । यस्ता समस्याहरु काँग्रेसले समाधन गर्नु पर्ने उहाँले बताउनु भयो ।

फेसबुक प्रतिक्रियाहरु

लोकप्रिय