मङ्लबार, साउन २४, २०७९ | Tuesday 9th August 2022
जोडिनुहोस
Trending
  • गृहपृष्‍ठ
  • समाचार
  • नेपाल भारतको सिमानाका पर्ने जमुनाहा नाकाबाट कोरेक्स सहित एक जनालाई प्रहरीले पक्राउ
समाचार

नेपाल भारतको सिमानाका पर्ने जमुनाहा नाकाबाट कोरेक्स सहित एक जनालाई प्रहरीले पक्राउ

  • सिधा दृष्टी शुक्रबार, कार्तिक २६, २०७८ | November 12, 2021

नेपालगन्ज । नेपाल भारतको सिमानाका पर्ने जमुनाहा नाकाबाट कोरेक्स सहित एक जनालाई प्रहरीले पक्राउ गरेको छ ।
नेपालमा प्रतिबन्ध लगाएको कोरेक्स भारतबाट रियल जुसको बट्टामा राखेर नेपाल भित्राउदै गर्दा नेपाल प्रहरीले पक्राउ गरेको हो ।
नेपालमा प्रतिबन्ध लगाईएको कोरेक्स माथि प्रहरीले कडाई गरेपछि लागु औषधका कारोबारीहरुले जुसको बट्टामा खन्याएर ल्याउने गरेको प्रमाण फेला परेको

छ । रियल जुसको बट्टामा २ लिटर कोरेक्स लिएर नेपाल आउँदै गरेका एकजना पक्राउ परेपछि लागु औषध कारोबारको नयाँ शैली फेला परेको प्रहरीले जनाएको छ ।

सुर्खेतका बबिन शाही भारतको रुपैडियाबाट नेपालगन्ज ल्याउँदै गरेको रियल जुसमा भरिएको २ लिटर कोरेक्स र १५ टेबलेट नाइट्रोभेट सहित पक्राउ परेका छन् ।
भारतको रुपैडियाबाट नेपालगन्ज आउँदै गर्दा उनलाई नेपालगन्ज उपमहानगरपालिका वडा नं. १५, जमुनाहा नजिकबाट प्रहरीले पक्राउ गरेको हो ।
प्रहरीका अनुसार यातायात व्यवसायी समितिमा कार्यरत सुर्खेत वीरेन्द्रनगर नगरपालिका वडा नं। ३ का ३० वर्षीय शाही लागु औषधी कोरेक्स र नाइट्रोभेट ट्याब्लेट लिन बाँकेको सीमावर्ती भारतीय बजार रुपैडिहा पुगेका थिए । उनले रियल जुसको बट्टाभित्र खन्याइएको २ लिटर कोरेक्स सहित नाईट्रोभेट र प्रहरीलाई शँका नहोस् भन्दै ५ केजी चिनी पनि साथमा लिएर नेपालगन्ज आउँदै गरेका थिए ।
रुपैडिहाबाट शाही हिड्दै नेपालगञ्ज प्रवेश गरेका थिए । उनले एक हातमा ५ किलो चिनी र अर्को हातमा जुसको बट्टा बोकेर पैडल नेपालगन्ज आउँदै गर्दा प्रहरीले शंका लागेर चेकजाँच गर्दा जुसको बट्टाभित्र कोरेक्स फेला परेको जमुनाहा प्रहरीले जनाएको छ । नेपालगन्ज भन्सार नाकाबाट दैनिक जसो लागुऔषध नेपाल भित्रिने गरेको पाइन्छ ।

फेसबुक प्रतिक्रियाहरु

लोकप्रिय