मङ्लबार, साउन २४, २०७९ | Tuesday 9th August 2022
जोडिनुहोस
Trending
  • गृहपृष्‍ठ
  • भर्खरै
  • केही घण्टा फेसबुक बन्द हुँदा मार्क जुकरबर्गले अर्बौ डलर गुमाए, कति घट्यो जुकरबर्गको सम्पत्ति ?
भर्खरै

केही घण्टा फेसबुक बन्द हुँदा मार्क जुकरबर्गले अर्बौ डलर गुमाए, कति घट्यो जुकरबर्गको सम्पत्ति ?

  • सिधा दृष्टी मङ्लबार, अशोज १९, २०७८ | October 5, 2021

एजेन्सी । फेसबुकका संस्थापक मार्क जुकरबर्गको व्यक्तिगत सम्पत्तिमा केही घण्टामै ६ बिलियन अमेरिकी डलरको नोक्सानी भएको छ । योसँगै उनी विश्वका धनी व्यक्तिहरूको सूचीमा एक स्थान तल झरेका छन् ।

केही घण्टामै ६ बिलियन डलरको नोक्सानी भएपछि जुकरबर्ग धनी व्यक्तिहरूको सूचीमा बिलगेट्स भन्दा तल झरेका हुन् । उनी पाँचौं नम्बरमा झरेका छन् ।

ब्लुमबर्गका अनुसार सोमबार फेसबुकको सेयर मूल्य ४.९ प्रतिशतले घटेको छ । सेयरको मूल्य घटेसँगै जुकरबर्गको सम्पत्ति पनि घटेको हो ।

फेसबुक र यसको स्वामित्वमा रहेका अन्य सामाजिक

सञ्जाल सोमबार ६ घण्टासम्म डाउन हुनु जुकरबर्गलाई ठूलो वित्तिय नोक्सानी पुर्‍याउने कारण मानिएको छ । यो घटनालाई फेसबुकको सेवामा अहिलेसम्मकै सबैभन्दा ठूलो समस्या भनिएको छ ।

जुकरबर्गले आफ्ना अर्बौँ प्रयोगकर्ताको फेसबुकमा घण्टौँ बाधा पुगेकोमा माफी मागेका छन् । ६ घण्टासम्म ‘डाउन’ भएका सामाजिक सञ्जाल फेसबुक, ह्वाट्सएप र इन्स्टाग्राम अहिले भने चल्न थालेका छन् ।

नेपाली समय अनुसार सोमबार राति ९ ः ३५ बजेदेखि फेसबुक, ह्वाट्सएप र इन्स्टाग्राम संसारभर ‘डाउन’ भएका थिए । ६ घण्टापछि यी सञ्जालहरू पुनः सेवामा फर्किएका हुन् ।

यी तीन सामाजिक सञ्जालमा वेब वा स्मार्टफोन एप्लिकेशनबाट पहुँच बन्द भएको थियो । फेसबुकले यसलाई नेटवर्किङसम्बन्धी समस्या बताउँदै माफी मागेको छ ।

डाउनडिटेक्टरका अनुसार यो अहिलेसम्मकै ठूलो असफलता हो । विश्वभरबाट १०.६ बिलियन समस्याहरू रिपोर्ट भएको डाउनडिटेक्टरले जनाएको छ ।

फेसबुक प्रतिक्रियाहरु

लोकप्रिय