सोमवार, साउन २३, २०७९ | Monday 8th August 2022
जोडिनुहोस
Trending
  • गृहपृष्‍ठ
  • भर्खरै
  • नेकपा एकीकृत समाजवादी पनि जबजको पक्षमा
भर्खरै

नेकपा एकीकृत समाजवादी पनि जबजको पक्षमा

  • सिधा दृष्टी बिहिबार, अशोज ७, २०७८ | September 23, 2021

काठमाडौं । नेकपा एमालेबाट विभाजन भएर बनेको नयाँ दल नेकपा (एकीकृत समाजवादी) ले जनताको बहुदलीय जनवाद (जबज) लाई आत्मसात गर्ने भएको छ । पार्टी अध्यक्ष माधवकुमार नेपालले आफ्नो पार्टीले जबजलाई आत्मसात गरेर अगाडि बढ्ने बताए ।

बिहीबार काठमाडौंमा आयोजित पार्टी निकट युवा संघको कार्यक्रमलाई सम्बोधन गर्दै उनले जबजको मूल्य र मान्यताको रक्षा गर्न चाहेको बताए । उनले उनले भने, ‘विश्वका विभिन्न देशहरुमा कम्युनिष्ट पार्टीहरुमा एकसे एक नेताहरुको उदय भएको छ । र उनीहरुको महत्वपूर्ण भूमिकाले त्यो देशको कम्युनिष्ट आन्दोलन निरन्तर

रुपमा अगाडि बढेको छ ।’जबज नेकपा एमालेको मार्गदर्शक सिद्धान्त हो । अब यो राजनीतिक कार्यक्रमलाई आत्मसात गर्ने दलको संख्या दुई हुने भएको छ । नेकपा एमालेबाट विभाजन भएको नेकपा एसको सांगठनिक संरचना पनि नेकपा एमालेकै ढाँचामा हुने देखिएको छ । तर, अध्यक्ष नेपालले आफ्नो पार्टीमा युवाहरुलाई उचित स्थान हुने बताउँदै आएका छन् ।

नेकपा एसले बिहीबार नै पार्टीको पदाधिकारी टुङ्ग्याउँदै छ । ५ उपाध्यक्ष, १ महासचिब, ३ उपमहासचिब र ४ सचिवको पदाधिकारी बनाउने स्थायी कमिटीले निर्णय गरिसकेको नेताहरुले जानकारी दिएका छन् । बिहीबार नै केन्द्रीय कमिटी बैठकले पदाधिकारी घोषणा गर्नेछ ।

फेसबुक प्रतिक्रियाहरु

लोकप्रिय