मङ्लबार, साउन २४, २०७९ | Tuesday 9th August 2022
जोडिनुहोस
Trending
  • गृहपृष्‍ठ
  • भर्खरै
  • अफगानिस्तानमा शहरमा कब्जा जमाउदै गएको तालीवानले भन्यो अब कुनै सम्झैता हुँदैन्
भर्खरै

अफगानिस्तानमा शहरमा कब्जा जमाउदै गएको तालीवानले भन्यो अब कुनै सम्झैता हुँदैन्

  • सिधा दृष्टी मङ्लबार, साउन २६, २०७८ | August 10, 2021

एजेन्सी । अफगानिस्तानमा बिग्रँदो अवस्थाबीच युद्धविरामको अन्तर्राष्ट्रिय अपिललाई तालिबानले अस्वीकार गरेको छ । तालिबानले पछिल्लो समय अफगानिस्तानका एकपछि अर्को मुख्य सहरहरूमा कब्जा जमाइरहेको छ ।मिडिया रिपोर्टका अनुसार हालसम्म अफगानिस्तानले ६ वटा प्रान्तीय राजधानीमा कब्जा जमाउन सफल भइसकेको छ । यसमध्ये कुन्दुज निकै महत्त्वपूर्ण रहेको छ ।यसबीच अमेरिकी र अफगान विमानले विद्रोहीमाथि कयौँ हवाई हमला गरेका छन् । अफगान अधिकारीहरूका अनुसार यस हमलामा दर्जनौँ तालिबान लडाकु मारिएका छन् ।

उता, तालिबानका एक प्रवक्ताले आइतबार अलजजिरा टिभीसँग कुराकानी गर्दै अमेरिकालाई थप कारबाही

नगर्न चेतावनी दिएका थिए । आइतबार उत्तरी अफगानिस्तानका तीन सहरमा मात्र केही घण्टाको अन्तरमा तालिबानले कब्जा जमाएको थियो ।कुन्दुजका एक स्थानीयका अनुसार त्यहाँको स्थिति ‘पुरै अराजक’ भएको बताए । सामाजिक सञ्जालमा सेयर गरिएको भिडियोमा तालिबान लडाकु कुन्दुज र सर–ए–पुलको सरकारी भवनमा प्रवेश गरेको देख्न सकिन्छ । यद्यपि, ती भिडियोको स्वतन्त्ररुपमा पुष्टि भएको छैन ।

यसबीच अफगान सरकारका अनुसार विशेष सुरक्षा बल अझै पनि कुन्दुजमा तालिबानसँग लडिरहेका छन् । तालिबानका एक प्रवक्ताले बीबीसीसँग कुरा गर्दै अब उनीहरूले बगलान प्रान्तको राजधानी पुल–ए–खुमरीलाई निशाना बनाउने तयारी गरेको जानकारी दिएका छन् । पश्चिमको हेरात प्रान्तमा पनि भीषण लडाइँ जारी रहेको छ ।

सोमबार बिहान दक्षिणी सहर लश्करगाहको प्रहरी मुख्यालयको बाहिर ठूलो विस्फोटको आवाज सुनिएको थियो । लश्करगाहका स्थानीयका अनुसार पछिल्लो २ दिनमा कम्तीमा २० जना मारिएका छन् । त्यहाँ स्कूल र अस्पताल पनि ध्वस्त बनेका छन् ।

अमेरिकाले अफगानिस्तानबाट आफ्नो सैनिक फिर्ता बोलाउने घोषणा गरेसँगै तालिबानको आक्रामकता बढी रहेको छ । तालिबानले पछिल्लो केही हप्तामा तीव्र गतिमा अफगानिस्तानमा कब्जा जमाइरहेको छ । ग्रामीण क्षेत्रलाई नियन्त्रणमा लिएको तालिबानले यति बेला मुख्य सहरहरूलाई निशाना बनाइरहेको छ ।

 

फेसबुक प्रतिक्रियाहरु

लोकप्रिय