उक्त दुर्घटनामा ज्यान गुमाएकाहरुको सनाखत हुन बाँकी रहेको छ । त्यस्तै, जिल्ला प्रहरी कार्यालय ओखलढुंगाका अनुसार उक्त दुर्घटनामा चालक गम्भीर घाइते भएका छन्, भने सोही गाडीमा सवार मानेभञ्ज्याङ्ग–४ केतुके धुसेनीका डोल कुमारी मगर, टुल्कीमाया मगर र बिना मगरको अवस्था गम्भीर रहेको प्रहरीले जनाएको छ ।
घाइते चालक थापालाई उपचारका लागि ओखलढुंगा सामुदायिक अस्पताल लगिएको छ । त्यस्तै, अन्य तीन जनाको उद्दार भइरहेको प्रहरीले जनाएको छ ।
आज विहान ९ बजेतिर उक्त गाडी दुर्घटना भएको भएता पनि दिउँसो १२ बजे मात्र खबर पाएको प्रहरीले जनाएको छ । प्रहरीका अनुसार उक्त गाडी सडकबाट करिब ७ सय मिटर तल झरेको छ ।
