काठमाडौं । कोरोना रोकथाम तथा न्यूनीकरण गर्न गठित उच्चस्तरीय समन्वय समितिको बैठक प्रधानमन्त्री निवास बालुवाटारमा बसिरहेको छ । बैठकले जारी लकडाउनका विषयमा आवश्यक निर्णय गरेर सरकारलाई सिफारिस गर्नेछ।
सरकारले गत चैत ११ देखि लागू गरेको लकडाउनको समयावधि बिहीबार मध्यरातिदेखि सकिँदैछ ।
यसअघि सोमबार बसेको समितिको बैठकमा जनजीवन सामान्य बनाउन र रोगलाई कावुमा राख्ने विषयमा छलफल र समिक्षा भएको थियो ।
अहिले पनि देशका विभिन्न जिल्लामा कोरोना संक्रमित देखिनेक्रम नरोकिएकाले लकडाउनको समयावधि थपिने एक मन्त्रीको भनाइ छ ।