बुधबार, साउन २५, २०७९ | Wednesday 10th August 2022
जोडिनुहोस
Trending
  • गृहपृष्‍ठ
  • वागमती प्रदेश
  • धादिङको ज्वालामुखीका एक जनामा र्‍यापिड टेस्टमा कोरोना पोजेटिभ देखियो
वागमती प्रदेश

धादिङको ज्वालामुखीका एक जनामा र्‍यापिड टेस्टमा कोरोना पोजेटिभ देखियो

  • सिधा दृष्टी मङ्लबार, बैशाख २, २०७७ | April 14, 2020

धादिङ : धादिङको ज्वालामुखी गाउँपालिकाको मैदी स्वास्थ्य चौकीमा गरिएको र्‍यापिड टेष्टमा एक जना व्यक्तिमा कोरोना पोजेटिभ देखिएको छ ।

ज्वालामुखी गाउँपालिका अन्तरगत वडा नं ३ मा रहेको मैदी स्वास्थ्य चौकीमा गरिएको परीक्षणमा दक्षिण कोरियाबाट गत फागन २० गते फर्किएका व्यक्तिमा कोरोना देखिएको हो । कोरोना देखिएका व्यक्तिको स्वास्थ्य अवस्था भने सामान्य रहेको छ ।

उनलाई जिल्ला अस्पताल धादिङवेशीको आइसोलेसनमा राख्ने

तयारी भइरहेको छ । आइसोलेसनमा राखेपछि उनको थ्रोट स्वावलाई थप परीक्षणको लागि टेकु अस्पताल पठाइने स्वास्थ्य कार्यलय धादिङका प्रमुख डा. भुवन पौडेलले जानकारी दिए । उनले भने, ‘टेकु अस्पतालले परीक्षणपश्चात पुष्टि गरेमा हामीले ज्वालामुखी गाउँपालिकामा विशेष अभियान चलाउने छौँ ।’ कोरियाबाट फर्केर उनी होम क्वारेन्टाइनमै रहेका थिए ।

र्‍यापिड टेष्टमा पोजेटिभ देखिएका व्यक्तिमा पनि विस्तृत परीक्षणमा नेगेटिभ देखिन सक्ने भएकाले आतङ्कित नहुन र थप सचेत भएर बस्न पौडेलले आग्रह गरेका छन् । र्‍यापिड टेष्टको लागि धादिङमा ३ सय किट ल्याइएको थियो । जसमध्ये २ सय ४० वटा परीक्षण भइसकेको छ ।

फेसबुक प्रतिक्रियाहरु

लोकप्रिय