सोमवार, मंसिर १९, २०७९ | Monday 5th December 2022
जोडिनुहोस
Trending
  • गृहपृष्‍ठ
  • खेलकुद
  • इन्जुरीको मारमा बार्सिलोना : मेसी र स्वरेजपछि डेम्बेले घाइते
खेलकुद

इन्जुरीको मारमा बार्सिलोना : मेसी र स्वरेजपछि डेम्बेले घाइते

  • सिधा दृष्टी बुधबार, भदौ ४, २०७६ | August 21, 2019
file photo

एजेन्सी । स्पेनिस क्लब बार्सिलोनाका लागि नयाँ सिजन धेरै किसिमले ठिक भइरहेको छैन ।

सिजनको पहिलो खेलमा हार बेहोरेको बार्सिलोनाले लियोनेल मेसीको इन्जुरीको समस्या झेलिरहेका बेला अर्का खेलाडी उसमान डेम्बेलेपनि घाइते भएर पाँच साताका लागि मैदान बाहिर भएका छन् । भर्खरै ब्राजिलियन फिलिप कोटिन्होलाई लोनमा बायर्न म्युनिखलाई बेचेको बार्सिलोनाले अब दोस्रो खेलका लागि पुरै रुपमा एन्टोनी ग्रीजम्यानसँग भर पर्नु परेको छ ।

रियल बेटिससँग आगामी आइतबार राति हुने खेलमा सम्भवत मेसी ठिक हुने छन् तर बार्सिलोनाका लागि डेम्बेलेको इन्जुरीको असर

पर्ने देखिएको छ । तिब्र गतिका डेम्बेले सटिक पास दिने खेलाडीका रुपमा चिनिन्छन् । पहिलो खेलमा हार बेहोरेर दबाबमा आएको बार्सिलोनाका लागि डेम्बेलेको इन्जुरी ठुलो धक्काको रुपमा लिइएको छ ।

मिडिया रिपोर्टका अनुसार डेम्बेलेको व्यवहारले पनि बार्सिलोना व्यवस्थापन रुष्ट बनेको छ । गत शुक्रबार राति भएको खेलमा पुरै समय खेलेका डेम्बेलेको खुट्टामा समस्या भएपछि शनिबार बिहान मेडिकलका लागि रिपोर्ट गर्नुपर्नेमा सोमबारसम्म सम्पर्कमा नआएको बताइएको छ ।

फेसबुक प्रतिक्रियाहरु

लोकप्रिय