बुधबार, साउन २५, २०७९ | Wednesday 10th August 2022
जोडिनुहोस
Trending
  • गृहपृष्‍ठ
  • मुख्य खबर
  • न्यायाधीश बनेपछि व्यक्तिले आफ्नो जात, विचार र संगत छाड्छ, त्यसकारण ऊ स्वतन्त्र : प्रधानन्यायाधीश राणा
मुख्य खबर

न्यायाधीश बनेपछि व्यक्तिले आफ्नो जात, विचार र संगत छाड्छ, त्यसकारण ऊ स्वतन्त्र : प्रधानन्यायाधीश राणा

  • सिधा दृष्टी शुक्रबार, साउन १७, २०७६ | August 2, 2019

काठमाण्डौ । प्रधानन्यायाधीश चोलेन्द्र शमशेर राणाले कुनै व्यक्ति न्यायाधीश बनेपछि उसले विचार, जात र संगत पनि छाड्ने भएकाले उनी स्वतन्त्र व्यक्ति हुने प्रष्टीकरण दिएका छन् ।

बिहिबार सर्वोच्च अदालतमा न्यायपालिकाको चौथो पञ्चवर्षीय योजनाको कार्यन्वयनका सम्बन्धमा सम्पादक तथा वरिष्ठ सम्वाददातासँग अन्तरक्रिया गर्दै प्रधानन्यायाधीश राणाले राजनीतिक दलको सिफारिशमा आएपनि न्यायाधीशलाई स्वतन्त्र व्यक्तिका रुपमा बुझिदिन उनले आग्रह गरेका हुन् ।

राजनीतिक भागबण्डाको आधारमा न्यायाधीश बनेर आउनेले राजनीतिक दलको फेरो नसमात्लान् भन्ने के ग्यारेण्टी छ भन्ने पत्रकारहरुको प्रश्नमा

जवाफ दिँदै प्रधानन्यायाधीश राणाले जुन माध्यमबाट आएपनि न्यायाधीश बनेपछि ती व्यक्तिले सबै विषय छाड्ने भएकाले त्यसलाई सहजरुपमा बुझिदिन आग्रह गरेका हुन् ।

महाअभियोगको डरका कारण न्यायलय कार्यपालिकाको छायाँ बनेको हो भन्ने सम्पादकहरुको अर्को प्रश्नमा प्रधानन्यायाधीश राणाले यो विषय अहिले संवैधानिक इजलाशमा पुगेकाले त्यसले सही निकास दिने विचार व्यक्त गरे ।

३/४ जना सांसदले लबिङ गरेर प्रधानन्यायाधीशविरुद्ध महाभियोगको प्रस्ताव ल्याउनेबित्तिकै प्रधानन्यायाधीशले केही काम गर्न नपाउने थिति सही नभएको प्रति इङ्गित गर्दै प्रधानन्यायधीश राणाले महाभियोगका सम्बन्धमा अब संवैधानिक हल खोज्नुपर्ने बताएका हुन् । @ ratopati बाट

फेसबुक प्रतिक्रियाहरु

लोकप्रिय