- चट्याङ लागेर महिलाको मृत्यु
- संसार छाड्ने म्यासेज लेखेर हराएका युवक फेला
- माधवकुमार नेपालसहित १४ सांसदविरुद्ध दायर गरेको रिटमाथि चैत २७ गते सुनुवाइ हुने
- केपी ओलीकै कारण आफू पार्टी प्रवेश गरेको : अभिनेत्री करिश्मा मानन्धर
- मुलुकमा संकट पर्रदा कांग्रेस काे काधमा जिम्मेवारी आउने गरेकाे र संकट बाट मुलुकलाई निकास दिन कांग्रेस मात्र रहेको दाबी गरे नेता सिंह
- मध्य भोटेकोशीको खुल्यो आईपीओ, कहिले सम्म पाइन्छ आवेदन दिन ?
- नागा र सामन्थाबीच सम्बन्धविच्छेद, यस्तो रहेछ कारण
- मन्त्रीको नाम टुंगाउन माओवादी केन्द्रको स्थायी कमिटी बैठक
- काँग्रेस पूर्वमहामन्त्री सिंह र नेकपा माओवादीका महासचिव चन्द बीच भेटवार्ता
- प्रहरी निरिक्षक पाण्डेयको ‘आँधीहुरी नेपाल प्रहरी’ सार्वजनिक(भिडियो) सहित
अमेरिकालाई भड्किला कार्यहरु रोक्न चीनको चेतावनी
बेइजिङ, (एएफपी) । चीनका विदेशमन्त्री वाङ यीले आफ्ना अमेरिकी समकक्षी माइक पोम्पेओलाई चीन–लक्षित भड्किला कार्यहरु रोक्न आग्रह गरेको छ । चीनको विश्वव्यापी र घरेलु नीतिमाथि संयुक्तराज्य अमेरिकाले कटुतापूर्ण भत्र्सना गरेलगत्तै चीनको यस्तो प्रतिक्रिया आएको हो ।
बेइजिङमा अमेरिकी विदेशमन्त्री र चिनियाँ विदेशमन्त्रीबीच भएको वार्तामा दुवै नेताबीच एकअर्काका नीतिमाथि कडा आरोप–प्रत्यारोप भएको बताइएको छ । अमेरिकी विदेशमन्त्री माइक पोम्पेओ जापान, उत्तर कोरिया र दक्षिण कोरियाको भ्रमण गरी चीन आइपुगेका थिए ।
बेइजिङको डिआओयुताई गेस्ट हाउसमा भएको भेटवार्तामा चिनिया“ विदेशमन्त्री
वाङले अमेरिकाले दुई देशबीचको पछिल्लो व्यापारिक तनावका विषयमा बढाइचढाइ कुरा गरेको आरोप लगाउनुभएको थियो । यी दुई मुलुकले एकअर्का विरुद्ध अर्बौं डलरका सामानमा करवृद्धिको घोषणा गरेका छन् ।
विदेशमन्त्री वाङले ताइवानका सम्बन्धमा अमेरिकाले एकपछि अर्को कदम चालेको र चीनको सार्वभौमसत्तालाई चोट पुग्ने अन्य धेरै कार्यहरु गर्न थालेको आरोप लगाए । ‘यी कार्यहरुले दुवै पक्षबीचको आपसी विश्वासलाई असर पारेको छ, र चीन–अमेरिका सम्बन्धमा नकारात्मक असर पर्न थालेको छ । यो दुवै मुलुकका जनताको चाहना विपरीतको कार्य हो,’ विदेशमन्त्री वाङले भने, ‘हाम्रो चाहना नै अमेरिकाले यी भड्किला कार्यहरु समयमै रोकोस् भन्ने हो । दुवै मुलुकले सहयोगात्मक नीति अवलम्बन गर्नु पर्दछ र द्वन्द्व एवं विरोधको सिलसिला रोक्नु पर्दछ ।’
अमेरिकी उपराष्ट्रपति माइक पेन्सले बिहीबार अमेरिकामा आयोजित एक समारोहमा बोल्दै चीनको सैनिक आक्रामकता, व्यवसाय चोरी तथा मानव अधिकारको बढ्दो उल्लंघनका बारेमा तीव्र आलोचना गरेका थिए । उनले आगामी नोभेम्बरमा हुने अमेरिकी चुनावमा चीनले हस्तक्षेप गर्न लागेको आरोप समेत लगाएका थिए ।
संयुक्तराज्य अमेरिकाले ताइवानलाई हातहतियार बेच्न लागेकामा पनि चीनले आपत्ति जनाएको छ । ताइवानका सम्बन्धमा वासिङटनले चीनको दाबीलाई स्वीकार गरेपनि अमेरिकी उच्च अधिकारीलाई ताइवान भ्रमणमा जाँदा चीनको स्वीकृति लिनु नपर्ने नयाँ नियम प्रयोगमा ल्याइएको छ ।
वाङको धारणाका सम्बन्धमा प्रतिक्रिया जनाउँदै अमेरिकी विदेशमन्त्री पोम्पेओले आफू चीनसँग वार्ता गर्नकै लागि आएको बताए । उनले भने, ‘तपाइहरुले उठाएका मुद्दाहरुमा हाम्रो आधारभूत रुपमै भिन्न मत छ । चीनका पछिल्ला कदमहरुमाथि हाम्रो पनि चासो छ र हामीबीचको महत्वपूर्ण सम्बन्धका कारण विवादित विषयमा छलफल गर्न हामीले चाहेका छौँ ।’
विदेशमन्त्री पोम्पेओले बेइजिङमा यसै महिना हुनेगरी तय भएको अमेरिकी रक्षामन्त्री जीम म्याटिस र उहाँका चिनीया समकक्षीबीचको भेटघाट स्थगित गरिएको समेत जानकारी दिए । ‘दुई मुलुकबीचको रणनीतिक संवाद रोकिएकामा म दुःखित छु, र यसको मुख्य कारण चीन हो,’ उनले भने । तर चिनियाँ विदेशमन्त्री वाङले तत्काल प्रतिक्रिया जनाउँदै भने, ‘यो रणनीतिक संवाद चीनले रद्द गरेको छैन । मैले सही कुरा बताइरहेको छु ।’
यद्यपी उत्तर कोरियाको आणविक महत्वाकांक्षालाई नियन्त्रणमा राख्ने विषयमा दुवै नेताले सकारात्मक धारणा राखेका थिए । चीनले उत्तर कोरियामाथि लागेका आर्थिक प्रतिबन्धहरुमा खुकुलो गर्न आग्रह गरेको थियो । चिनियाँ विदेशमन्त्री वाङले उत्तरका सम्बन्धमा बेइजिङ र वासिङटनबीच सञ्चार र सहयोगलाई बढावा दिनुपर्नेमा जोड दिए ।
फेसबुक प्रतिक्रियाहरु
लोकप्रिय
काठमाडौँ महानगरपालिकाका मेयर बालेन्द्र (बालेन) साह र उपमेयर सुनिता डंगोल नुवाकोटको सिसडोल पुगेका छन्
त्रिभुवन विश्वविद्यालयको क्रिकेट मैदानमा जारी नेपाल- जिम्बावे ‘ए’ टी-२० सिरिजमा आज अन्तिम खेल हुँदैछ
अमेरिकी राष्ट्रपति जो बाइडेनले अमेरिका र नेपालबीचको सम्बन्धन आफूले अझ प्रगाढ बनाउन चाहेको बताएका छन्
