• Skip this

Advertisement area

Advertisement area

होमपेज केही सेकेण्डमा लोड हुनेछ।

Senjal1
शुक्रबार, बैशाख ३१, २०७८ | Friday 14th May 2021
जोडिनुहोस
Engineering4
Real Shoes4
Era1
बिचार

प्रिया, मेरो लागि उपवास नबस !

  • ishwor आइतवार, भदौ ३१, २०७५ | September 16, 2018
yoho2

भूमिराज पिठातोली

 

प्रिया, चारैतिर तीजको लहर चलेको छ। यसै तीजमा तिमी पनि अनेक सपना बोकेर उपवास बस्ने निधो गरिरहेकी छौ हौली। विशेष गरी मेरो आयु लामो हुने र हाम्रो जीवन खूशी हुने सपना बोकेर तीजको उपवास बस्ने तयारी गरिरहेकी हौली। तर मैले पहिलेदेखि भन्दै आएको छु नी उपवास नबस भनेर। तिम्रो र मेरो सोचाई नै फरक छ। ‘तिमी धर्मशास्त्रमा विश्वास गर्छौं म चिकित्सा विज्ञानमा विश्वास गर्छु।’

 

 

तिमी मेरो आयुको लागि पानी नै नपिएर उपवास बस्ने

Real Shoes 1

योजनामा छौ। तर त्यो तिम्रो गलत बुझाई हो। तिमीले उपवास बस्दैमा मेरो आयु लामो हुनेहोइन। आयुको भविश्य कसलाई थाहा छ र ? केही बढी वर्ष लम्ब्याउनका लागि त मैले नै नियमित स्वास्थ्यको ख्याल गर्नुपर्छ।

 

 

आफ्नो ज्यानलाई माया नै नगरी मेरो लागि भोको कहिल्यै नबस। त्यो बुझाई तिम्रो भ्रम हो। तिमी भोको बसेमा स्वास्थ्यलाई कति घाटा हुन्छ ? थाहा छ तिमीलाई, ग्याँस्ट्रिक हुनेहरुलाई त झनै कठिन हुन्छ। फेरी पानी नै नपिएर उपवास बस्नुपर्छ भन्छ हाम्रो धर्मले। पानी नपिउँदा पत्थरी जम्ने समस्या हुुनुका साथै बिभिन्न किसिमका रोगहरुले समात्न सुरु गर्छन। अँझ तिम्रो रक्त चाप पनि कम छ। दिनभरी पानी पनि नपिउँदा मेरो आयु बढाउन तिमिले आफ्नो आयु घटाइरहेकी हुनेछौ। जति बाँच्छौ दुबै सँगै बाँच्नुमा पो रमाइलो हुन्छ। मलाई तिम्रो आयु घटाएर मेरो आयु बढाएको हेर्न मन छैन।

 

 

प्रिया, उपवास बस्नु खूशी हुनको लागि हो। नाच्न, गाउन, हाँस्नका लागि पेट खाली छ भने कसरी त्यो रमाईलो प्राप्त गर्न सक्छौं ? रमाइलो त तिम्रो बाध्यताको हुन्छ।

 

 

बरु मेरो खूशीको लागि नै हो भने, मैले हेर्न चाहे जस्तै गर। सामान्य लुगा कपडा भएपनि सफा गरेर लगाउ। नयाँ कपडा कुर्ता सुरुवाल किन। एक त तिमी राम्री नै छौं त्यसैमा रातो टिका लगाऊ। सिउँदो देखिने गरी कपाल सम्याउ। पेटभरी खाएर नाचगान गर। त्यो नै मेरा लागि खूशी क्षण हुनेछ।

 

 

मलाई थाहा छ तिम्रो हिजोको अवस्था। जुनबेला तिमी बेशाहारा त्यसैमा जिम्मेवारीपन तिमीले नै निभाउनु परेको थियो। तिम्रो त्यो ‘प्रताडित’ भएको मन रुमल्लिएर टोलाईरहेको रहन्थ्यो। अहिले पनि समाजअनुसार कर्जा गरेर चल्ने निधो गरिरहेकी छौ। त्यसरी चल्नु भनेको थप पीडा थप्नु हो।

 

 

तिम्रो समाजमा बस्नेहरु सबै गन्यमान्य छन्। तिम्रो त्यो बेशाहारा भएको छाप्रोमा कसैले नजर पनि लगाँउदैन होला। किनकी सबैले उज्यालै तिर हेर्ने गर्छन्। अँध्यारोतिर कसैले हेर्न चाहाँदैन। तिमीले पनि उज्यालो तिर लम्किन नचाहेकी पनि हैनौं होली। त्यो तिम्रो समय परिस्थितिको खेलले बीचमै भत्कायो।

 

 

घरको दैलोमा बसेर भाइ बहिनीको भोक मेटाउने सपना मात्र बोकिरहन्छौं तर के गर्नु पर्वको बेला समाज अनुसार चल्न नसेकेमा समाजले पनि होच्याइरहने डरले उनीहरुको अगाडी पनि ऋण जोख गरेर खूशी हुन चाहान्छौं। त्यसैमा मेरो चिन्ता छ तिमीलाई। मेरो भविश्य फलदायी होस् भन्ने कामना गरिरहेकी छौं। तर मैले भने एक धर्सो माया पनि दिन सकिरहेको छैन। प्रयास भने गरिरहने छु।

 

 

कहिले काँही त लाग्छ होला तिमीलाई। मेरो नजरबाटै पर्वहरु टाढा जाउन् भनेर। समाजमा बसेपछि सबैको जसरी हिड्नै पर्यो, खानै पर्यो, लगाउनै पर्यो। त्यो जुटाउन तिमीले दश ढोक अठार सलाम गर्नुपर्छ।

 

 

आमा बाउको मुख हेर्ने दिनमा तिम्रो मनमा आँधिहुरी आउँछ होला, सबैले सामाजिक सञ्जालदेखि आफ्नै आँखा अगाडि प्राण भन्दा प्यारा माता पिताको सम्मान गर्छन् तर त्यो क्षण तिम्रा लागि कहिल्यै नआउने गरी तिमीले सानै छँदा गुमाइ सक्यौ।

 

 

निर्दयी कालले पनि तिमीलाई चौबाटोमा पछारेर माता पिता खोस्यो। कहिल्यै फिर्ता नगर्ने गरी। आफ्नो र आफ्नो भाइ बहिनी पाल्न खेतबारी बनाएकी थियौं त्यो पनि पल्लो घरको काकाले ‘तेरो बाउले मेरो ऋण खाएको थियो’ भन्दै खोस्यो।

 

 

मामा घरबाट ३ वटा बाख्रा दिएका पनि एउटा स्यालको मुखमा पर्यो र अरु दुईवटा पनि आफन्तैले चामल र गहुँ तिर्न नसकेको भन्दै खोसे।

 

 

कतै काम गर्न खोज्छौं मालिकले महिनौं काम गराउँछ अन्तिममा पैसा नदिएरै पन्छ्याँउछ। त्यो सबै तिम्रो भाग्यको खेल हो। तैपनी तिमीले हिम्मत हारिनौं। संघर्ष गरिरह्यौ। तिम्रो संघर्षलाई सबैले सम्मान गर्नुपर्छ। भाइ बहिनीलाई आफूसंगै पढायौ। हुर्कायौ। अब त भाइ बैनीले पनि सक्दो सहयोग गर्ने भैसके।

 

 

राम्रो खाने, लगाउने कसलाई रहर लाग्दैन होला तर परिस्थितिले नाङ्गो पार्छ। हुन त समाजको सिकाई सिक्नुपर्छ तर आत्मविश्वास भएको कुरालाई अगाडि बढाउनु पर्छ त्यसैले अबदेखि कुनै उपवास नबस । बरु त्यो उपवास बस्ने बेलाको खर्च बचाएर कापी कलमको जोहो गर।

 

 

अहिले चारैतिर हरितालिका तीजको रौनक सुरु भइरहेको बेला समाजमा हुने खाने र हुँदा खानेहरु पनि व्याप्त रुपमा चिनिदै आएका छन्। बजारमा हुँदा खानेका सपिङ गर्ने बजारहरु पनि भिन्नै छन्, (जो सस्तो बजार) र हुने खानेहरुका लागि प्रतिस्पर्धात्मक नयाँ मोडेलका महंगा बजारहरुमा सपिङ गर्नेहरुको घुँइचो नै देखिन्छ।

 

 

देश तीब्र गतिमा अगाडि बढीरहेको छ। महिला, अनाथ, अपाङ्गहरुले अधिकार पाइरहेका छन् तर जो उत्पीडित छन् उनीहरुलाई कुनै सहजता भएको छैन।

 

 

प्रिया, यो समाज स्वार्थी छ। देश नै स्वार्थी हो आफूले पाएपछि कसैले पनि कसैलाई देख्दैन। यति देख्ने नै भए त प्रमुख प्रमुख पदमा महिलाहरु नै छन्। उनीहरुले त तिमी जस्ताहरुको पीडालाई बुझ्नु थियो। तर कराडौंको पार्टीमा मस्त हुन्छन् । त्यसरी खर्च गर्नुभन्दा अनाथ, अपाङ्गहरुलाई सहयोग गरौं भन्ने भावना हुँदैन।

 

 

अहिले कम्युनिष्ट सरकार छ । जो कम्युनिज्म नै नबुझेजस्तो। सिद्धान्त भन्दा निकै फरक । समाजबादको परिकल्पना गरिरहेको सरकार उल्टै सामन्तबादी समाज स्थापना गर्ने जस्तो छाँट देखिदैछ। त्यसले प्रिया तिमीहरुजस्तालाई सहयोग गर्ला नै भन्न सकिन्न।

 

 

मेरो नजरमा त हिन्दु धर्मालम्बीहरुलाई हरितालिका तीज भनेको एक उत्सव नै हो। त्योसंगै विकृति पनि हो। ‘उत्सव’ परम्परादेखि कै हो भने ‘विकृति’ पछिल्लो समयको हो। अहिले यो संगसंगै चलिरहेको छ। जति आस्था छ त्यति निराशा पनि छ। नेपालको सन्दर्भमा विदेशी संस्कार भित्रिएसंगै हुँदा खानेहरुका लागि पर्व नै पीडा बन्दै आएको छ।

 

 

विदेशी संस्कारमा प्रतिस्पर्धाको भावना हुन्छ, नेपालमा पनि त्यहि प्रतिस्पर्धा भित्रियो। तर उनीहरुको कर्मले संस्कार नै डोर्याउँछ भने हाम्रो कर्म बिनाकै संस्कार पछि पछि आयो। त्यसैले प्रिया अरुको लहलहमा लागेर आफ्नो स्वास्थ्यको वेवास्ता नगर।

 

 

समाजमा देखावटी काम नगर। लहलहमा नलाग। सबैको सल्लाह लेउ आफ्नो निर्णय गर। त्यसैले प्रिया उपवास बसेर केही हुँदैन। मेरो लागि मात्र होइन कसैको लागि पनि उपवास नबस।।

 

 

उही तिम्रो...............

Second2
Heavenly1
Bagini4
Kuhiro3

फेसबुक प्रतिक्रियाहरु

लोकप्रिय

सम्बन्धित समाचार

सबै
हिपत खबर
भर्खरै
जनताको उपचार गर्न सक्दैनौं भन्ने सरकार इतिहासकै निकम्मा हो

अभिषेक श्रेष्ठ : आइतवार नेपालमा एकै दिन ७ हजार २ सय ११ कोरोना संक्रमित पुष्टि भए । यो संख्या एकै दिन पुष्टि हुने मध्येकै सबै भन्दा बढी संख्या हो । यस बाट के बुझ्न सकिन्छ भने

  • २ हप्ता अघि
हिपत खबर
भर्खरै
सभापति देउवाको नेतृत्वमा नेपाली कांग्रेस

किरण गिरी 

देउवाको नेतृत्व र नेपाली कांग्रेस
नेपाली कांग्रेसका सभापति एबं पुर्ब प्रधानमन्त्री शेर बहादुर देउवाको नेतृत्वमा नेपाली कांग्रेसको पार्टी संगठन प्रतिकुल अवस्थाको बाबजुद पनि सार्थक र प्रभावकारी रुपमा अगाडि बढिरहेको छ । प्रतिनिधि सभा

  • २ हप्ता अघि
हिपत खबर
मुख्य खबर
नेपाली कांग्रेसको क्रियाशील सदस्य करिब ८ लाख

किरण गिरी । बैशाख – १५ गते राती (१२ : ०० सम्मको क्रियाशील सदस्यहरुको
पछिल्लो जम्मा अध्याबधिक तथ्यांक :
कुल सदस्य :  ७ लाख ५३ हजार ३ सय ४४ जना ।
नयाँ सदस्य

  • २ हप्ता अघि
हिपत खबर
भर्खरै
नेपाली कांग्रेस क्रियाशील सदस्य इण्ट्री बैशाख १५ सम्म मात्र

किरण गिरी । आफ्नो सम्पुर्ण शक्ति र संगठन लाई नेपाली कांग्रेसले आगामी भाद्रमा हुन गइरहेको १४ महाधिवेशनमा केन्द्रित गरेको छ । आगामी मंसिरको दोस्रो हप्ता सम्म प्रतिनिधि सभाको निर्बाचन हुन सक्ने अनुमान लाई समेत ध्यानमा राखेर

  • ३ हप्ता अघि
हिपत खबर
भर्खरै
नयाँ बर्ष २०७८ , नेपाली कांग्रेसको नेतृत्वमा संयुक्त सरकारको संभावना

किरण गिरी । नयाँ बर्ष – २०७८ सालको अबसरमा स्वदेश तथा बिदेशमा रहनु भएका सार्बभौमसत्ता सम्पन्न आम नेपाली दाजुभाइ – दिदिबहिनी हरुमा नेपाली कांग्रेस केन्दियसमितीको सदस्यको हैसियतले म नेपाली कांग्रेस केन्द्रीय कार्यसमिति एबं मेरो ब्यक्तिगत तर्फबाट

  • ४ हप्ता अघि
हिपत खबर
भर्खरै
राष्ट्रको अस्तित्व-रक्षा सहमतिबाट मात्रै सम्भव हुने पूर्व श्री ५ को धारणा

पूर्व श्री ५ ज्ञानेन्द्रले प्रजातन्त्र भनेको आवधिक निर्वाचन र दलविशेषका नेताहरूको शासन प्रणाली मात्र नभइ यो सामाजिक जीवन पद्धति भएको र हरेक नागरिकले प्राप्त गर्ने सन्तुलित खुशीमा मात्र प्रजातन्त्रको प्राण अटूट रहने धारणा सार्वजनिक गर्नुभएको छ

  • ३ महिना अघि
हिपत खबर
बिचार
तरुण युवा सदभाव नेपालका अध्यक्ष अभिषेक श्रेष्ठको राजनीतिक दृष्टिकोण !!

अभिषेक श्रेष्ठ । राजनीति पारदर्शी हुन्छ , राजनीति निष्पक्ष हुन्छ र राजनीति पवित्र पनि हुन्छ। तर, नेपालमा राजनीतिलाई व्यक्ति, राजनीतिक दल र आसेपासेको भजनकीर्तनको रछ्यान बनाइयो।

  • ३ महिना अघि
हिपत खबर
भर्खरै
म रुन पाँउछु कि पाउँदिन सरकार ?

सरकार, यो लकडाउनमा मलाई भाइरसले भन्दा भोकले मर्ने डर छ।
एनसेलको लोन लिएर कामको पैसा माग्न ठेकेदारलाई फोन गर्दा लकडाउन छ भन्छ।

पुलिसको डण्डाले ढाँड सेकाएर रासन लिन जाँदा साहुले अब महँगी लाग्यो उधारो हुँदैन

  • १ year अघि
हिपत खबर
बिचार
मौद्रिक नीतिले बैंक ‘मर्जर’लाई कति सघाउँछरु

राजु नेपाल

आर्थिक वर्ष २०७६-०७७ को बजेट आयो, बैंक मर्जरको हल्ला ल्यायो। मौद्रिक नीतिमा के आउला भनेर बैंकिङ क्षेत्रले कुर्‍यो। अहिले मौद्रिक नीति पनि आइसकेको छ।

अब छलफल र निश्कर्ष निकाल्ने बेला भयो-के मौद्रिक नीतिले बैंक

  • २ years अघि
हिपत खबर
बिचार
आरन व्यवसाय संकटमा

प्रकाश धौलाकोटी
तेह्रथुम–हिउँदयाम शुरु भएसँगै किसानलाई बालीनाली थन्काउन र हिउँदे बाली लगाउन भ्याइनभ्याइ छ । गाउँमा खेतीपाती नगर्ने कोही छैनन् । प्रायः अधिकांशले धान, अलैँची, अम्लिसोलगायत बाली उठाउँदैछन् भने मकै छर्ने,

  • २ years अघि