बुधबार, साउन २५, २०७९ | Wednesday 10th August 2022
जोडिनुहोस
Trending
मुख्य खबर

करिब ५ सय भन्दा बढीको मृत्यु

  • सिधा दृष्टी सोमवार, भदौ ४, २०७५ | August 20, 2018
A woman carries her child as they make their way pass collapsed homes in the village of Sugar on Indonesia’s Lombok island on August 20, 2018 after a series of earthquakes were recorded by seismologists throughout August 19. – A series of powerful earthquakes have rocked the Indonesian holiday island of Lombok, killing at least 10 people and setting off fresh waves of panic after nearly 500 died there following a huge tremor two weeks ago. (Photo by str / AFP)

इन्डोनेसिया, (एएफपी)– इन्डोनेसियाको पर्यटकीय द्वीप लोम्बोकमा आइतबार सा“झ गएको शक्तिशाली भूकम्पमा परी १० जनाको ज्यान गएको उद्धारकर्मीहरुले जानकारी दिएका छन् ।
भूकम्पका कारण लोम्बोकमा विद्युत सेवा अबरुद्ध भएको छ भने ठाउँठाउँमा पहिरो गएको छ । आवासीय र कार्यालय भवनहरुमा ठूलो क्षति पुगेको बताइएको छ । स्थानीय नागरिकमा त्रास छाएकोले गएराति उनीहरु घरभित्र बस्न सकेका थिएनन् । दुई साताको बीचमा लोम्बोकमा गएका दुइओटा यस्तै ठूला भूकम्पका कारण उनीहरुमा त्रास छाएको हो । यी शक्तिशाली भूकम्पले त्यहा“ ठूलो जनधनको क्षति भएको

बताइएको छ ।
यी शक्तिशाली भूकम्पबाट करिब ५०० मानिसको मृत्यु भइसकेको छ । अधिकारीहरुले यो संख्या अरु बढ्न पनि सक्ने बताएका छन् । दुई साताअघिकै भूकम्पमा परी मृत्यु हुनेको संख्या बढिरहेका बेला आइतबार फेरि अर्काे भूकम्प गएको छ ।
अमेरिकी भौगर्भिक सर्वेक्षण संस्था (युएसजिएस) का अनुसार आइतबार साँझको पहिलो भूकम्प ६.९ म्याग्नीच्यूडको थियो । त्यस्तै आइतबारै साँझ अर्को परकम्प ६.३ र ५.४ म्याग्नीच्यूडका गएका छन् । यी सबै भूकम्पहरु लोम्बोक द्वीपको उत्तरपूर्वमा केन्द्रित भएका छन् ।
एपीका एकजना स्थानीय संवाददाताका अनुसार लगातारका भूकम्प र परकम्पका कारण मानिसमा भागदौड मच्चिएको र विद्युत सेवा कटौती भएको छ । तथापि धनजनको क्षतिको सम्पूर्ण विवरण भने अझै प्राप्त भइसकेको छैन ।
आइतबार साँझको भूकम्पबाट हिजो नै १० जनाको ज्यान गएको बताइएको थियो । उक्त भूकम्पको प्रभावित क्षेत्रमा उद्धारको कामलाई अझै पनि सशक्त बनाउन सकिरहेको छैन । अधिकारीहरुले उद्धारको काम जारी रहेको बताएका छन् ।
लोम्बोकमा यही अगष्ट ५ मा (१४ दिन अघि) गएको ७.० रेक्टर स्केलको भूकम्पमा परी ५०० जनाको मृत्यु भएको थियो, भने हजारौं घर भत्किएका कारण लाखौं मानिस अझै विस्थापित अवस्थामा छन् । इन्डोनेसियाको पूर्वी क्षेत्र भूकम्पीय जोखिमका रुपमा चर्चित छ । उक्त क्षेत्रमा बारम्बार भूकम्प र पराकम्पहरु आइरहेको हुन्छ ।
सन् २००४ डिसेम्बरमा पनि इन्डोनेसियाको सुमात्रामा ९.१ म्याग्नीच्यूडको शक्तिशाली भूकम्प र सुनामीबाट एक दर्जन मुलुकका तटीय क्षेत्रका दुई लाख ३० हजारभन्दा बढी मानिसको मृत्यु भएको थियो ।

फेसबुक प्रतिक्रियाहरु

लोकप्रिय