शनिबार, मंसिर १०, २०७९ | Saturday 26th November 2022
जोडिनुहोस
Trending
  • गृहपृष्‍ठ
  • फिचर न्युज 1
  • गृहमन्त्री थापा र वन तथा वातावरण मन्त्री बस्नेत छड्के जाँच गर्न सडकमा
फिचर न्युज 1

गृहमन्त्री थापा र वन तथा वातावरण मन्त्री बस्नेत छड्के जाँच गर्न सडकमा

  • सिधा दृष्टी आइतवार, जेष्ठ २०, २०७५ | June 3, 2018

काठमाडौं । गृहमन्त्री रामबहादुर थापा र वन तथा वातावरणमन्त्री शक्ति बस्नेतले आज थापाथली चोकमा पुगेर सवारीसाधनको प्रदूषणको छड्के चेकजाँच गरेका छन् ।
विश्व वातावरण दिवसको अवसर पारेर वन तथा वातावरण मन्त्रालयले आयोजना गरेको सप्ताहव्यापी कार्यक्रमअन्तर्गत अाइतबार मन्त्रीद्वय सडकमै पुगेर प्रदूषण चेकजाँचमा सहभागी  हुनुभयाे ।
गृहमन्त्री थापाले स्वस्थ वातावरण भएमात्र नागरिक स्वस्थ रहने भन्दै यसमा सबैको साथ र सहयोग अपरिहार्य रहेको बताउनु भयाे ।
सवारीसाधनले प्रदूषण मापदण्ड पालना गर्नु अनिवार्य रहेको भन्दै यसको नियमित चेकजाँच आवश्यक रहेको उहाँकाे

भनाइ छ ।
उनले धुलो र प्रदूषण बढ्नुमा भ्रष्टाचार पनि जोडिएको भन्दै यसलाई निस्तेज पारिने बताउनु भयाे ।
वातावरणमन्त्री बस्नेतले वातावरण दिवसको अवसर पारेर सप्ताहव्यापी कार्यक्रमको आयोजनाअन्तर्गत अाइतबारको कार्यक्रम गरिएको बताउनु भयाे ।
उनले वातावरण दिवसको अवसर पारेर प्रधानमन्त्रीकै सहभागितामा यही जेठ २२ गते स्वच्छ नेपाल महाभियान शुरु गर्न लागिएको जानकारी दिनु भयाे ।
प्रदूषण नियन्त्रण, फोहर व्यवस्थापन र हरियाली प्रवर्द्धनलाई एकीकृत गरेर महाभियान शुरु गर्न लागेको उनको भनाइ छ ।
यो अभियानमा प्रदेश र स्थानीय सरकार, निजी क्षेत्र र यो क्षेत्रमा क्रियाशील संघसंस्थासँग पनि सहकार्य गरिने उनले बताउनु भयाे ।
कार्यक्रममा मन्त्रीद्वय थापा र बस्नेतको पनि सवारीसाधनको प्रदूषण चेकजाँच गरिएको थियो । (रासस)

फेसबुक प्रतिक्रियाहरु

लोकप्रिय