बिहिबार, भदौ २, २०७९ | Thursday 18th August 2022
जोडिनुहोस
Trending
  • गृहपृष्‍ठ
  • फिचर न्युज 1
  • प्रदेश सरकार सञ्चालन गर्नका लागि दुई हजार कर्मचारी तैयार
फिचर न्युज 1

प्रदेश सरकार सञ्चालन गर्नका लागि दुई हजार कर्मचारी तैयार

  • सिधा दृष्टी बुधबार, पुस ५, २०७४ | December 20, 2017

काठमाडौँ । सरकारले प्रदेश सरकार सञ्चालनका लागि कर्मचारीहरूको विवरण तैयार पारेको छ ।
सामान्य प्रशासन मन्त्रालयले सात प्रदेशमा रहने अहिले प्रस्ताव गरिएका सात मन्त्रालयका लागि करिब दुई हजार कर्मचारी आवश्यक पर्ने भन्दै विवरण तयार पारेको छ । सामान्य प्रशासन मन्त्रालयका प्रवक्ता शिवराम न्यौपानेले जानकारी दिए ।
“सात वटै मन्त्रालयका दरले ४९ मन्त्रालयमा चाहिने कर्मचारीको विवरण तयार पारेका छौँ”, प्रवक्ता न्यौपाने भने, “प्रदेश प्रमुख नियुक्त हुनासाथ काम गर्नका लागि कर्मचारी खटाउन सकिन्छ ।”
अहिले प्रदेश सरकार सञ्चालनका लागि

अस्थायी व्यवस्थापन गरी कर्मचारीको विवरण तयार पारिएको हो । पछि कर्मचारी समायोजन भएपछि स्थायी रुपमा नै ती प्रदेशका मन्त्रालयमा कर्मचारी पठाइनेछ । प्रवक्ताका अनुसार सचिवदेखि श्रेणीविहीन कर्मचारीसम्मको विवरण तयार पारिएको हो ।
प्रदेश मन्त्रिपरिषद्मा सचिव र मन्त्रालयमा सहसचिव हुने व्यवस्था मिलाइएको न्यौपाने जानकारी दिए । मन्त्रालयले कर्मचारीको विवरण तयार पारेर सम्बन्धित केन्द्रीय मन्त्रालयसँग के कस्ता कार्य सञ्चालन गर्नुपर्दछ भनेर कामको विवरण पनि माग गरेको छ ।
प्रवक्ता न्यौपानेले सेवा सञ्चालन गर्ने मन्त्रालयले कामको विवरण उपलब्ध गराएपछि कर्मचारीलाई पठाइने बताए ।

फेसबुक प्रतिक्रियाहरु

लोकप्रिय